Жарандын улуту жана башка ал тууралуу маалыматтардын баары паспорттогу чиптин ичинде камтылат. Бул тууралуу Мамлекеттик каттоо кызматынын басма сөз катчысы Мелис Эржигитов “Азаттыкка” билдирди:
-Ал чипте жарандын туулгандыгы тууралуу күбөлүгү, айдоочулук күбөлүгү, пенсиялык китепчеси, биометрикалык маалыматтары, катталган жери жана банк эсеби камтылат.
Мелис Эржигитовдун айтуусунда, кыргызстандыктарга биометрикалык паспорттор 2017-жылдын февраль айынан тарта бериле баштайт.
Айрым жарандар паспорттон “улуту” деген графаны алып салууга каршылыгын билдирип чыгышкан.
Биометрикалык паспорттор акырындык менен ички паспортту колдонуудан сүрүп чыгарат.(ZKo)
