Республикачылар партиясынан талапкер Дональд Трамп шайлоочулар коллегиясынын 276 добушун топтоп, АКШнын 45-президенти болуп шайланды.
Демократиялык партиядан талапкер Хиллари Клинтон 218 добуш менен артта калды.
Демократиялык партиядан талапкер Хиллари Клинтондун шайлоо штабынын башчысы Жон Подеста демократтардын тарапташтарынын алдына чыгып, ыраазычылык билдирди. Ал азырынча үмүт үзүлө электигин айтып, Клинтон өзү бүгүн эл алдына чыкпастыгын кошумчалады.
Америкалыктар 8-ноябрдагы шайлоонун жыйынтыгында өлкөнүн 45-президентин эле эмес, Конгресстин Эл өкүлдөр палатасынын бардык 435 мүчөсүн жана 100 сенатордун 34үн да шайлашты.
