Жапаров: АКШ-Орусия мамилеси оңолсо, Кыргызстанга утуш болот

9-Ноябрь, 2016

Дональд Трамп АКШ президенти болуп шайланды.

АКШ Орусияга карата мамилесин өзгөртүп, экономикалык санкцияларын жойсо, Орусиянын бюджети толот. Мындай пикирин ЖК депутаты Акылбек Жапаров “Азаттыкка” билдирди:

- Орусияга эмбарголор жоюлса, ЕАЭБ алкагындагы жалпы казынадан Кыргызстан 20-40 млрд сомго чейин алуу мүмкүнчүлүгү болуп калмак. Дүйнө жүзүндөгү кризистердин баары доллар менен байланыштуу. Дональд күчтүү экономист катары аны жоёт деп ишенем.

Акылбек Жапаров АКШ-Москва мамилесинин өзгөрүүсү дүйнөдөгү көп өлкөлөргө таасир берет деп ишенет.

8-ноябрда АКШда президенттик шайлоо болду. Анда Республикачылардын талапкери Дональд Трамп жеңишке жетти. Ал шайлоочулар коллегиясынын 276 добушун топтоп, АКШнын 45-президенти болуп шайланды. Трамп президенттик шайлоо алдындагы платформасында Орусия менен АКШнын мамилесин жакшыртарын айткан.(BkA/ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

дагы пикирлерди жүктөө