Линктер

ЧУКУЛ КАБАР!
23-Октябрь, 2021 ишемби, Бишкек убактысы 11:41

Картондо уктаган Исхак жаңы үйгө көчтү


Үч жаштагы Исхактын үй-бүлөсүнө Кара-Суу шаарындагы көп кабаттуу үйлөрдөн үч бөлмөлүү батир берилди. Үйдө жашоого бардык шарттар түзүлгөн. Исхактын апасы Зульфия Үсөнованын “Азаттыкка” айтуусунда, алар үйгө 8-ноябрь күнү көчүп киришти. Батирдин ачкычын президенттик аппараттын өкүлү тапшырды.

Эки-үч ай мурун социалдык тармактарда картон кагаздын үстүндө уктап жаткан баланын сүрөтү жарыяланып, коомчулуктун кызуу талкуусуна түшкөн. Көп өтпөй балага мамлекет башчы Алмазбек Атамбаев көңүл буруп, баланын үй-бүлөсүн камкордукка алууну тапшырган.

Кийинчерээк Исхактын дагы үч бир тууганы бардыгы, жалгыз бой апасы балдарын базарда идиш жууп багары маалым болгон. Балдардын эч кимисинин тек-жайын аныктаган документтери болгон эмес. Президенттин тапшырмасы менен жергиликтүү бийлик тарабынан балдарга документ берилип, бала бакчага жана мектепке жайгаштырылган.(ZKo)

Пикирлерди көрүңүз (19)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG