Линктер

шаршемби, 18-октябрь, 2017 Бишкек убактысы 01:01

Трамп акцияга чыккандарга ыраазычылыгын билдирди


АКШнын шайланган президенти Дональд Трамп жана жубайы Мелания Трамп.

АКШнын жаңы шайланган президенти Дональд Трамп ага каршы уюштурулган акциянын катышуучулары "улуу өлкөнүн келечегине кайдыгер эместигине" ыраазы. Бул тууралуу ал Твиттердеги баракчасына жазды.

Бир күн мурда Трамп 8-ноябрда өткөн шайлоону “абдан ачык жана ийгиликтүү” деп сыпаттап, ал эми анын жеңишине каршы уюштурулган акцияларды “адилетсиз” деп атаган.

Үч түн катары менен жүздөгөн кишилер Вашингтон, Чикаго, Филадельфия, Нью-Йорк, Лос-Анжелес, Окленд жана башка шаарларда көчөлөргө чыгышты. Портленд, Денвер, Миннеаполисте акциянын катышуучулары менен полиция ортосунда кагылышуулар болду. Отуздай адам камакка алынды.

Демонстрацияларга негизинен Демократиялык партиянын тарапташтары чыгышты.

XS
SM
MD
LG