Бишкекте тергөөгө алып келинген жарандын качып кетишине жол берген милиционерлердин үстүнөн кызматтык териштирүү жүрүүдө. Ички иштер министрлигинен кабарлашкандай, тартип сакчыларынин аракети шалаакылык боюнча тергөөгө алынып жатат.
Бишкектин Свердлов райондук ички иштер бөлүмүнөн 11-ноябрда кечке жуук 21 жаштагы Рамазан Ляхунов качып кеткен. Ал каракчылыкка шектелип, тергөөгө келген кезде изин жашырган эле. Милиция анын сүрөтүн жарыялап, көргөн-билгендерди маалымат берүүгө чакырган. Ал эртеси атайын операцияда колго түшкөн.
