Алепподо эки апта мурун жикчилдер ээлеп алган аймактарга Сириянын өкмөттүк күчтөрү чабуул коюп, көзөмөл орнотту. Ал-Асад жана Минян райондору ээленгенин мамлекеттик маалымат булактары жана баш кеңсеси Британияда жайгашкан Сириядагы адам укуктары обсерваториясы билдирди.
“Интерфакс” агенттиги Сириянын деңиз жээктеринде Орусиянын “Адмирал Григорович” жана “Адмирал Кузнецов” аскер кемелери турганын жазды. Маалыматка караганда, кемелер козголоңчуларга каршы кайсы учурда болбосун сокку урууга даяр.
