Чолпон Шаикова Ысык-Көл облустук мамлекеттик телерадиокомпаниясынын директору болуп дайындалды.
Бул тууралуу өкмөттүн облустагы өкүлчүлүгүнүн басма сөз кызматы билдирди. Жаңы жетекчини жамаатка бүгүн, 15-ноябрда Маданият, маалымат жана туризм министрлигине караштуу маалымат жана коммуникация департаментинин директору Бактыгүл Ноорузбаева тааныштырды.
Коомчулук менен байланыш боюнча эксперт Чолпон Шаикова 2016-жылы Бүткүл дүйнөлүк экинчи көчмөндөр оюндарын уюштуруу боюнча катчылыкта эмгектенген.
Ысык-Көл облустук мамлекеттик телерадиокомпаниясынын мурунку жетекчиси Калыбек Тайтикеев буга чейин кызматтан өз каалоосу менен кеткен. (AsM)
