НАТО Орусия менен диалог курууну кааларын уюмдун баш катчысы Йенс Столтенберг Евробиримдиктин коргоо министрлеринин Брюсселдеги жыйынында билдирди.
“Орусия биздин эң чоң коңшубуз бойдон кала берет. Өзгөчө коопсуздук боюнча көптөгөн маселелерге туш болуп жатканда диалог куруу маанилүү”, - деди Столтенберг.
Ошентсе да НАТОнун баш катчысы Украинанын аймактык бүтүндүгүнө шек келтирген кадамдар кабыл алынбастыгын эскертти.
