Бүгүн кыргыз өкмөтүнүн жаңы мүчөлөрү Жогорку Кеңеште ант беришти. Аземге депутаттардан тышкары президент Алмазбек Атамбаев да катышты.
Жогору Кеңештеги көпчүлүк коалиция тарап, кайра куралгандыктан, өкмөттө да өзгөрүүлөр болду. Он эки министрликтин алтоо, төрт вице-премьерлик кызматтын биринде жетекчилик алмашты.
Ордунда калган жетекчилердин бири Өзгөчө кырдаалдар министри Кубатбек Боронов бешинчи өкмөттүн курамында, жетинчи антын берди. Ал 2003-жылдан бери ӨКМдин ар кайсы кызматтарында иштеп келсе, 2011-жылдан бери министрликти жетектеп келүүдө. (SDz)
