16-ноябрда Түркмөнстан президенти Гурбангулы Бердымухамедов өлкөнүн Ички иштер министрлигине караштуу мал чарба комплексин ачты.
Жергиликтүү маалымат каражаттарынын кабарлашынча, чарба ИИМдин эт-сүт керектөөсүн камсыздап, андан ашканы сатылат.
Чарбада бодо мал жана кой-эчки менен кошо үй канаттуулары да багылат.
Ачылыш аземи учурунда президент Бердымухамедовго ИИМдин өздүк курамы ахалтекин аргымагын тартуулашкан.