Бишкектеги Касымалы Баялинов атындагы китепканада "ТҮРКСОЙ-Кыргызстан" китебинин бет ачары болду. Иш чарага ТҮРКСОЙдун Баш катчысы Дуйсен Касеинов, Кыргызстандын аталган эл аралык уюмдагы өкүлү Кожогелди Кулуев, Кыргызстандын Маданият жана маалымат министри Түгөлбай Казаков катышты.
Кыргызстандын эгемендигинин 25 жылдыгына арналып чыккан "ТҮРКСОЙ-Кыргызстан" китебинде аталган уюм өткөргөн иш-чараларга катышкан кыргызстандык маданият өкүлдөрүнүн сүрөт баяндары, алар тууралуу маалыматтар камтылган.
Китептин бет ачарынан кийин айрым юбиляр-жазуучуларга ТҮРКСОЙдун сыйлыктары тапшырылды. (ZA)
