Линктер

ЧУКУЛ КАБАР!
21-Октябрь, 2021 бейшемби, Бишкек убактысы 21:50

Орусиянын Обнинск шаарында Трампты колдоо акциясы өтөт


Дональд Трамп, Владимир Путин, Хиллари Клинтон.

Орусиянын Обнинск шаарынын бийликтери АКШнын жаңы шайланган президенти Дональд Трампты колдогон алгачкы демонстрацияга уруксат берди. Шаар администрациясындагы атын атабаган булактын айтуусунда, акция 19-ноябрда калаа борборунда өтүп, ага 40тай киши катышары болжолдонууда. Уюштуруучулар айткандай, акция катышуучулары АКШ-Орусия алакаларын жакшыртуу үмүтүн билдиришмекчи.

8-ноябрда шайланган Трамп Орусия президенти Владимир Путинди урматтай турганын билдирип, террорчулукка каршы күрөштө Орусия менен кызматташууга АКШны чакырып келген. АКШнын чалгындоо кызматтары орусиялык хакерлер демократиялык партиянын серверлерин бузуп, электрондук кат алмашууларын Викиликс сайтына өткөрүп берген деп айыптап, мунун артында шайлоонун жыйынтыгына таасир этүүгө аракеттенген Трампка жан тарткан Москвадагы расмий адамдар турганын билдиришкен. Орусиянын маалымат каражаттары Трампты жактаган, ал эми анын атаандашы Хиллари Клинтонду сындаган маалыматтарды көп чыгарышкан.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG