Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 03:16

ТИМ: Порошенкого телефон чалган бейбаштын таанышы кармалды


Кыргызстандын Тышкы иштер министрлиги.

Украинанын президенти Петро Порошенкого Кыргызстандын президентинин атынан телефон чалган пранкердин жанында жүргөн адам кармалды. Бул тууралуу Кыргызстандын ТИМи кабарлады.

Учурда кармалган адам камакка алынып, тергөө амалдары башталды.

Бул маселе боюнча Кыргызстандын Тышкы иштер министри Эрлан Абдылдаев украиналык кесиптеши Павел Климкин менен телефон аркылуу сүйлөшүп, тараптар биргеликте иликтөө иштерин жүргүзүүгө токтолушту. Министрлер бул маселе боюнча кененирээк ЕККУнун Гамбургдагы жолугушуусунда бетме-бет сүйлөшмөй болушту.

Буга чейин Украина президентинин маалымат катчысы Святослав Цеголко өзүнүн “Фейсбук” баракчасына Кыргызстандын Тышкы иштер министрлигинин айрым кызматкерлери пранкерлерге Украинанын президенти менен телефон сүйлөшүүнү уюштурууга көмөктөшкөнүн жазган. Ал ошондой эле телефон бейбаштарынын артында орус атайын кызматынын өкүлдөрү турарын билдирген.

17-ноябрда Украина президенти Петро Порошенко менен пранкер же телефон бейбашынын сүйлөшүүсү интернетке тараган. 15 мүнөттүк аудиодо Порошенкого кыргыз президенти "Алмазбек Атамбаевмин" деп чалган адам Крым, Донбасс маселелерин талкуулаган. Кыргызстан ТИМи эч кандай телефон сүйлөшүү болбогонун билдирген. (SDz)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG