Линктер

ЧУКУЛ КАБАР!
19-Октябрь, 2021 шейшемби, Бишкек убактысы 20:43

Кочкордо мугалимдер нааразы болууда


Нарын

Нарын облусунун Кочкор районундагы эки айылдын мугалимдери айлыгы кыскарышы ыктымал экенин айтып, нааразы болууда. Бул тууралуу бүгүн "Азаттыкка" Семиз-Бел айылынын А.Бостонов атындагы орто мектебинин мугалимдери кабарлашты.

Алардын айтуусунда, Социалдык өнүгүү министрлигинен келген кагазда бийик тоолуу шартта иштегени үчүн айлык маянасына буга чейин кошумча берилип келген акча мындан ары төлөнбөй турганы айтылган. Жалпысынан 45% кошумча төлөм Семиз-Бел жана Арзы айылдарынын мугалимдерине төлөнбөй калышы ыктымал дейт нааразы топтун өкүлү, А.Бостонов мектебинин директорунун орун басары Атыргүл Осмонова:

- Биз Жогорку Кеңешке да кайрылганбыз. Азырынча Социалдык өнүгүү министрлигинен электрондук кат келди. Ал жерде "силер бийик тоолуу аймакка" кирбейсиңер деп жазылыптыр. Министрдин орун басарынын колу турат. Өзүбүз эсептетип көрсөк, тийшелүү бийиктикке 2 метр гана жетпейт экенбиз. Бирок бизде ошол эле суук, ошондой эле шамал, кышыбыз сегиз айга созулат, шартыбыз оор.

Мугалимдердин өтүнүчү боюнча "Азаттык" Социалдык өнүгүү министрлиги менен байланышты. Бирок бул мекеме аталган айылдардын мугалимдеринин айлык маянасын кыскартуу тууралуу кеп болбогонун айтууда.

Семиз-Бел жана Арзы айылдарындагы эки мектепте 400дөй окуучуга 70тен ашуун педагог сабак берет. (RK)

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG