Каспий деңизинде Иранга таандык тик учак кырсыкка учурады. Бул тууралуу Ирандын маалымат каражаттары кабарлады. Кырсыктан тик учактагы беш адам тең мерт кетти. Тик учак кырсыкка 26-ноябрь күнү кечинде, жүрөгү ооруган жумушчуну ооруканага алып бараткан кезде кабылган. Учурда каза болгон үч адамдын сөөгү табылды. Эки адамдын сөөгү изделүүдө.
Тик учак Ирандын мамлекеттик мунай компаниясына таандык болгон.
