Өкмөткө караштуу Интеллектуалдык менчик жана инновация боюнча мамлекеттик кызматтын ишмердүүлүгүндө 11 коррупциялык жол жана 17 коррупциялык тобокелчилик бар экенин Коргоо кеңеши аныктап чыкты.
Айрыкча автордук укук тууралуу күбөлүк берүү, маданий-көңүл ачуучу мекемелердеги автордук сыйакы, патент алуу, ойлоп табуучуларга финансылык колдоо көрсөтүү жана мыйзамсыз продукцияны көзөмөлгө алуу иштери коррупциялык аракеттер менен коштолот. Бул тууралуу Коргоо кеңешинин катчылыгы маалымдады.
Натыйжада “Кыргызпатенттеги” коррупцияны жоюу үчүн жумушчу тобуна эки жумалык мөөнөт берилди. (SDz)
