Линктер

ЧУКУЛ КАБАР!
20-Октябрь, 2021 шаршемби, Бишкек убактысы 17:11

“Кыргызтелеком” ишканасынын жетекчилигине кылмыш иши козголду


Интернет.

Башкы прокуратура тараткан маалыматка караганда, “Кыргызтелеком” ишканасынын башкармалык кеңешинин төрагасы Эмил Эшеналиев тарабынан чет өлкөлүк компаниянын бир тараптуу талабы менен интернетти кымбат баада сатып алуу боюнча мамлекетке пайдасыз келишим түзүлгөн. Ага ылайык, аталган ишкана 29-июль күнү Казакстандын «К.Т.К.»,1-августта «G.К.S.G.» компаниялары менен интернеттин 1 мГб/с 30 доллардан сатып алуу боюнча келишим түзгөн. Келишим бир жылдык мөөнөткө түзүлгөн. Келишим Кыргызстандын мамлекеттик сатып алуулар тууралуу мыйзамдарынан тыш, эч кандай сынаксыз, бааларга мониторинг жүргүзүүсүз бекитилген. Натыйжада, бул келишимдин негизинде “Кыргызтелеком” казакстандык компанияларга 275 миң долларды ашыкча төлөгөн, деп билдирет Башкы прокуратура.

Башкы көзөмөл органы ошондой эле Казакстандын «G.К.S.G.» компаниясы мурда “Кыргызтелекомго” интернетти 1 мГб/с 13,84 сомдон сатып келгенин белгилеп, мурунку келишим боюнча баалар 2016-жылдын 31-декабрына чейин өзгөрүлбөөгө тийиштигин бекемдейт. Ошондой эле маалыматта сентябрь-октябрь айларында Кыргызстанда интернет 15 доллардан тартып, 30 долларга чейин сатылганын антимонополиялык ишкана аныктаган.

Бул иш өкмөт алдындагы экономикалык кылмыштарга каршы күрөшүү кызматына өткөрүлүп берилди.(ZKo)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG