Президенттин жана өкмөттүн иш башкармалыгы өкмөт үйүнө килемдерди жана эмеректерди сатып алууга 20 миллион сөм бөлүнгөнү тууралуу кабарды төгүндөдү.
1-декабрда айрым маалымат булактары парламент депутаты Наталья Никитенкого таянып, Өкмөт үйүнүн залдарынын бирине килем жана эмеректерди сатып алуу үчүн 2017-жылкы республикалык бюджеттен 20 миллион сом каралганын жазган.
Президенттин жана өкмөттүн иш башкармалыгы муну четке кагып, 2017-жылга смета боюнча аталган чыгашаларга 5 млн 377,9 миң сом бөлүнөрүн белгиледи. Мурдагы жылдары бул максатта 14,4 млн жана 16, 1 млн сом жумшалган. (SE)
