Нарындын Ак-Талаа районунда мал издөөгө кеткен эки кишинин сөөгү табылды. Өзгөчө кырдаалдар министрлигинен билдиришкендей, 22 жаштагы уландын сөөгү 8-декабрда, анын 23 жаштагы шеригинин жасаты 11-декабрда табылган. Алар Баетов айылынан Орто-Сырт жайлоосуна жоголгон малдарды издөөгө 7-декабрда чыгып кетишкен.
Издөө иштерин туугандары, жергиликтүү милиция жана Өзгөчө кырдаалдар министрлигинин адистери жүргүзүштү.
Ушул күндөрү тоолуу аймактарда сууктун күчү -20 градуска жетип, темир аяз күчүндө турган кези. (SE)
