Бишкектеги №1029 шайлоо участкасында КСДП жана “Өнүгүү-Прогресс” партиясынын өкүлдөрү мушташып кетти. Бул тууралуу “Жарандык коом жана демократия үчүн коалициясынан” билдиришти. Жаңжал кечки саат ондор чамасында чыккан. Тараптар бюллетенди саноо учурунда пикир келишпей калышкан.
Азырынча эки партиядан тең бул жаатта комментарий алганга мүмкүнчүлүк болгон жок.
Бүгүн Бишкек шаардык кеңешине өткөн шайлоодо алдын ала маалыматтарга ылайык, КСДП партиясы алдыда келатат. Экинчи орунда “Республика – Ата журт”, үчүнчү орунда “Өнүгүү-Прогресс”.
Шаардык кеңешке 14 партия ат салышты. (SE)
