Линктер

ЧУКУЛ КАБАР!
26-Октябрь, 2021 шейшемби, Бишкек убактысы 22:01

Сирия армиясы Пальмира шаарын алдырып жиберди


Пальмира

Сириянын армиясы тарыхый Пальмира шаарынан артка чегинип, калааны “Ислам мамлекетти” экстремисттик тобу кайра ээледи. Өкмөттүк күчтөр шаардан чыгып кетерден мурда калктын 80 пайызын коопсуз жайларга көчүргөнүн кабарлады.

ИМ тобу байыркы Пальмираны өткөн жылы жазда басып алып, баалуу архитектуралык эстеликтерди талкалашкан. Быйыл март айында өкмөттүк күчтөр шаарды кайра алышкан болчу.

Ал тапта Сирия армиясы курчоодогу Алеппо шаарынын Шейх Саид аттуу ири районуна көзөмөлүн орнотту. Адам укуктары боюнча Сирия обсерваториясы кабарлагандай, өкмөттүк күчтөр Алеппонун кезинде оппозиция ээлеп турган бул аймагынын 90 пайызын өз колуна алды.

12-декабрда Алеппонун чыгыш тарабында аба чабуулдары уланып, андан жүздөгөн жайкын тургун мерт болгону кабарланды.

2012-жылдан бери Алеппо экиге бөлүнүп, калаанын батыш жагын өкмөттүк күчтөр, чыгышын көтөрүлүшчүлөр көзөмөлдөп келген.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG