Украинанын Донецк аймагында ашкере оңчул “Азов” батальонуна кошулуп, орусиялык жикчилдерге каршы согушкан беларус жаранынын соту Беларусиянын Витебск шаарында башталды. Беларус бийлиги Станислав Гончаровду неонацисттик идеяларды ачык жайылтты деп күнөөлөп келет.
Гончаров баштаган алты адамга улут аралык кастыкты козутуу, жашы жете электерди кылмыштуу топко тартуу жана ээнбаштык сыяктуу беренелер боюнча айыптар тагылууда.
20 жаштагы Гончаров апрель айында Украинадан кайтып келгенде камакка алынган.
