Район аймагындагы нааразылыктан улам 10го чукул шайлоо участкаларында добуштар кайра эсептелинип жатат. Аймактык шайлоо комиссиясынан “Азаттык” радиосуна билдиришкендей, көпчүлүк добушканаларда электрондук үкөктөгү автоматтык эсеп менен кол санактын ортосунда айырма чыккан. Ошол себептүү автоматтык үкөккө ишенбеген талапкерлер добуштарды кол менен санап чыгууну талап кылышкан.
Добуш берүү маалында Базар-Коргондо 57 добушкана иштеди, жалпысынан 75 миң шайлоочу катталган. 11-декабрда 209 жергиликтүү кеңештин депуттатарын шайлоого алардын 47 пайызы келгени расмий кабарланды. (RsK)
