Эквадордун түндүк-батышында дүйшөмбүдө күчү 5,8 баллга жеткен зилзалада эки адам набыт кетип, алтоо жараат алганын бийлик кабарлады. Тынч океандын жээгиндеги Атакамес жана Тонсуп шаарларында бир топ турак-жайлар жана үч мейманкана кыйрады. Коопсуздуктан улам чоң мунай завод ишин токтотту.
Кабарларга караганда, алгачкы күчтүү термелүүдөн соң жыйырмадан ашуун майда силкинүүлөр болду.
Быйыл жазында Эквадордо 8 баллга жакын зилзала катталып, 670 киши жашоо менен кош айтышкан эле. (SE)
