Бул тууралуу президенттик аппараттын тышкы саясат бөлүмүнүн башчысы Сапар Исаков 22-декабрдагы басма сөз жыйында билдирди. Анын айтуусунда, президент Алмазбек Атамбаев расмий сапарынын жүрүшүндө Өзбекстандын мамлекет башчысы Шавкат Мирзиёев менен жолугушуп, эки тараптуу кызматташтыкты жана чечүүгө муктаж маселелерди талкуулайт.
Маалыматка караганда, президенттердин жолугушуусу Самарканда өтөт. Ал жерде Атамбаев Өзбекстандын туңгуч президенти Ислам Каримовдун көрүстөнүнө барып куран окуп, зыярат кылат. (NT)
