Премьер-министрдин жарлыгына ылайык Медетбек Айдаралиев Мамлекеттик миграция кызматынын жетекчиси болуп дайындалды. Бул тууралуу өкмөттүн басма сөз кызматынан билдиришти.
Айдаралиев 2011-жылдан тартып Аксы районунун акиминин кызматын аркалап келген. Буга чейин аны өкмөттүн Жалал-Абад облусундагы өкүлү болуп барары божомолдонуп жаткан Ал эми Мамлекеттик миграция кызматын буга чейин “Өнүгүү-Прогресс” партиясынын квотасы менен Бакыт Адылов жетектечү.