Бул тууралуу Өзгөчө кырдаалдар министрлигинин Ош облусунун Кара-Кулжа райондук бөлүмү билдирди. Маалыматка караганда, 23-декабрда Мырзаке-Кара-Кулжа-Алайкуу автожолунун 45-чакырымындагы Чаар-Арча аймагында УАЗ үлгүсүндөгү машине бийиктиги 30-35 метрлик жардан кулап, дарыяга түшүп кеткен. Анын ичиндеги жети адамдын экөө каза тапты, алардын бири жаш бала. Дагы төрт кишинин абалы оор, бирөө жеңил жараат алган, баары ооруканага жиберилди. Кырсыкка эмне себеп болгону азырынча белгисиз.
