Өзгөчө кырдаалдар министрлиги билдиргендей, 25-декабрда Бишкек-Ош жолунун 132-чакырымында кар көчкүлөрү түшүрүлдү. Буга байланыштуу саат 15:30дан тарта Чүй облусунун Жайыл районундагы "Сосновка" постунда оор жүк ташуучу автоунаалар үчүн убактылуу чектөө киргизилди.
Кыргызстанда аба ырайына байланыштуу Бишкек-Ош каттамындагы жана башка жолдордо, ашууларда кар көчкү коркунучу сакталууда.
