Америкалык белгилүү актриса Кэрри Фишер ооруканада дүйнөдөн кайтты. Бул кабарды анын кызы, актриса Билли Лурд ырастады. 60 жаштагы актриса 23-декабрда Лондондон Лос-Анжелеске баратканда самолетто жүрөгү кармап, учак конору менен оор абалда бейтапканага түшкөн. 27-декабрда эртең мененки саат 8:55те үзүлгөн. Ал 1977-80-жылдары "Жылдыздар согушу" тасмасында ханбийке Леянын ролун аткарып, атактуу болгон.
