Бишкекте жаңы жыл түнү коомдук тартипти эки миңден ашык милиция кызматкери көзөмөлдөйт. Бул тууралуу шаардык милициядан кабарлашты. Мындан башка ыктыярдуу топтор да тартылат. Учурда милиция күчөтүлгөн тартипте иштөөдө.
ИИМ жалпысынан өлкө боюнча 9 миңден ашык милиция кызматкери коомдук тартипти сактай турганы билдирген.
Милиция өлкө жарандарын майрам күнү коомдук тартипти бузбоого чакырууда.
