Президенттик аппараттын маалыматтык-саясат бөлүмүнүн жетекчиси Алмаз Үсөновдун "Азаттык" радиосуна билдиришинче, Атамбаев баштаган делегация Кытайга иш сапар менен бүгүн түштөн кийин учуп кетет. Сапардын жүрүшүндө расмий Бээжин өкүлдөрү менен жолугушуп, кыргыз-кытай кызматташтыгы талкууланат.
Президент Алмазбек Атамбаев 24-декабрда Өзбекстандагы сапары учурунда Кытай-Кыргызстан-Өзбекстан темир жол долбоорун жүзөгө ашыруу маселеси Кытайга сапарында көтөрүлө турганын маалымдаган.
Буга чейин расмий Ташкен Кытай-Кыргызстан-Өзбекстан темир жолун куруу боюнча кыргыз тараптын позициясын колдогон эле. (NT)