Британиянын премьер-министри Тереза Мэй өлкөнүн Европа Биримдигинен чыгуу боюнча планы бүдөмүк деген сөздөрдү четке кагып, жакынкы жумаларда өз планын жарыялаарын айтты.
Ал “Скай Ньюз” телеканалына курган маегинде өлкөгө жана эл аралык өнөктөштөргө туура келген чечимди кабыл алууга белсенип турганын билдирди.
Андан мурдараак Шотландиянын биринчи министри Никола Стержн Брексит референдумунан бери алты ай өткөнүнө карабастан премьер-министрдин планы дале белгисиз деп айткан болчу.
Улуу Британияда 2016-жылдын июнь айында өткөн референдумда добуш берүүчүлөр Евробиримдиктен чыгууну колдошкон.
