Бул тууралуу Ички иштер министрлигинен "Азаттык" радиосуна билдиришти. Маалыматка караганда, Кадамжай районунун Орозбеков айылында 16 жаштагы окуучу кыз 5-январда 30 метр бийиктиктеги аскадан боюн таштаган.
Соттук-медициналык экспертиза анын денесинен эч кандай кыйноо белгисин тапкан эмес. Мектепте да эч ким менен чыр-чатакка барбаганы, аны коркутуп-үркүтүү болбогону айтылууда.
Маркум чоң атасыныкында жашап келгени, ата-энеси Орусияда иштеп жүргөнү белгилүү болду. (NT)
