Линктер

ЧУКУЛ КАБАР!
22-Октябрь, 2021 жума, Бишкек убактысы 22:33

Мэр кызматына талапкерлердин дебаты 10-январда өтүшү мүмкүн


Бишкек.

Бул тууралуу парламенттеги "Өнүгүү-Прогресс" фракциясынын басма сөз катчысы Наргиза Мансурова "Азаттык" радиосуна билдирди. Анын айтуусунда, Бишкек шаар башчылыгына талапкерлердин дебатын өткөрүүгө үч телеканал даярдыгын маалымдашты. Алар - КТРК, НТС жана "Сентябрь" каналдары.

Талапкерлердин бири Нурдин Абдылдаев бул компаниялардын кайсынысы ыңгайлуу болсо, ошол аркылуу таймашка чыгуу тууралуу атаандашы Албек Ибраимовго расмий кат жолдогон. Аталган фракция теледебатты 10-январга белгилөөнү сунуштоодо. Азырынча Албек Ибраимов жооп бере элек.

Бишкек шаарынын мэрин шайлоо 11-январда өтөт. Мэр шаардык кеңеш депутаттарынын көпчүлүк добушу менен шайланат. Баш калаа жетекчиси кызматына эки талапкер ат салышат. Алардын бири азыркы мэр Албек Ибраимовду коалициялык көпчүлүк көрсөткөн, экинчиси "Өнүгүү-Прогресс" партиясынан талапкер Нурдин Абдылдаев.

Былтыр 11-декабрда өткөн жергиликтүү кеңештерге шайлоодо Бишкек шаардык кеңешине беш фракция келген. Алардын ичинен КСДП, “Республика-Ата Журт” жана “Кыргызстан” фракциялары көпчүлүк коалиция түзүп, “Өнүгүү-Прогресс” жана “Мекеним Кыргызстан” оппозицияда калган. (NT)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG