Бишкекте видеоблогерлердин LikeShow деп аталган фестивалы 22-январда болот. Ага интернетте кызыктуу видеолору менен миңдеген көрөрман топтогон кыргызстандык жана казакстандык блогерлер катышат. Фестивалда алар кыска тасмалар менен элдин көңүлүн буруу тажрыйбасын бөлүшүп, ийгиликке жетүү жаатында да пикир алмашат.
Катышуучулар арасында Mc Doncha аты менен таанылган Данияр Токтомамбетов жана Элдана Сатыбалдиева сыяктуу вайнерлер бар. (SE)
