Телемунара иштебей калганына байланыштуу шаарчада телерадиолор тартпай, телефон байланыштары бир нече күндөн бери иштебей жатат.
Бул тууралуу шаарчанын тургундары “Азаттыкка” билдиришти. Маалыматты Өзгөчө кырдаалдар министрлиги да ырастады. ӨКМдин басма сөз катчысы Элмира Шерипованын “Азаттыкка” билдиргени боюнча, бул маселеге байланыштуу тиешелүү мамлекеттик органдардын кызматкерлеринен турган комиссия түзүлүп, абалды талкуулаган. "Телемунарага кетчү жолго көчкү түшүү коркунучу болгондуктан, ал жакка унаа менен барууга мүмкүнчүлүк болбой жатат",- деди Шерипова.(MiK/ZKo)