Линктер

дүйшөмбү, 23-июль, 2018 Бишкек убактысы 23:44

Улуу Жорж Буш Хьюстон шаарындагы ооруканага дем алуусу оорлогонуна байланыштуу 14-январда жаткырылган. Мурдагы президенттин өкүлү бейтаптын абалын жакшы деп мүнөздөдү.

92 жаштагы Жорж Буш - АКШнын мурдагы президенттеринин көзү тирүүлөрү ичинен эң улуусу.

Ал 1988-92-жылдардын аралыгында бир мөөнөт президент болгон. Ага чейин эки мөөнөт вице-президент кызматын аркалаган.

Улуу Жорж Буш акыркы жылдары майыптардын коляскасын колдонуп келет, бирок 90 жаш курагын парашюттан секирүү менен да белгилеген болчу.

2015-жылы моюн сөөгүн сындырып алганына байланыштуу бир жума, 2014-жылы өпкөсү сезгенип, дем алуусу кыйындаганына байланыштуу эки ирет ооруканага жатып чыккан. (UE)

Сиздин пикир

пикирлерди көрсөт

XS
SM
MD
LG