Линктер

ЧУКУЛ КАБАР!
22-Октябрь, 2021 жума, Бишкек убактысы 16:44

Кыргызстан ЕАЭБ шарттарын жакшыртуу аракеттерин улантат


"Торугарт" бекети.

Бул тууралуу премьер-министр Сооронбай Жээнбеков 18-январда өткөн кеңешмеде билдирди. Өкмөт башчы дүйнөлүк экономикадагы жагымсыз факторлорго жана тенденцияларга карабай, өлкөнү евразиялык интеграциянын жаңы шарттарына ыңгайлаштыруу үчүн көп иштер аткарылганын баса белгиледи.

Анын сөзү боюнча, Кыргызстандын интеграциялык бирикмеге кошулуусу менен бажы бекеттерин, өткөрүү пункттарын жана лабораторияларды жабдуу боюнча тийиштүү иш-чаралар жасалып, «Манас», «Ош», «Торугарт», «Эркечтам» сыяктуу 4 чек ара бекети жана 7 ветеринардык-көзөмөл бекети жабдылган. Буларга кошумча мамлекеттик бюджеттин эсебинен 8 өткөрүү бекетин жаңылоо иштери жүрүп жатат.

Кыргыз-казак мамлекеттик чек ара тилкесинде фитосанитардык көзөмөл жана карантиндик фитосанитардык көзөмөлдөр алынды. Жыйында айтылган маалымат боюнча, Кыргызстанда аккредитацияланган 30 лаборатория жана 9 сертификация берүү органы ЕАЭБдин бирдиктүү тизимине киргизилип, жалпы биримдиктин аймагында бирдей таанылат.

Мындан тышкары жыйында өлкө евразиялык интеграцияга кошулгандан бери эмгек мигранттарынын иштөөсүнө жагымдуу шарттар түзүлгөнү да белгиленди.

Кыргызстан ЕАЭБге 2015-жылдын 12-августунан тарта толук кандуу мүчө болуп кирген. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG