Линктер

ЧУКУЛ КАБАР!
29-Октябрь, 2021 жума, Бишкек убактысы 02:45

My cargо компаниясы кулаган учактагы жүк Стамбулга баратканын билдирди


Кыйраган учак.

Бишкектин четинде кулаган Боинг – 747-400 учагынын ээси, My cargо түрк компаниясы Гонконгдон келаткан жүк Стамбулга багытталганын билдирди. Компаниянын жетекчи орунбасары Хамза Тыглай Бишкекте журналисттерге маалымат берип жатып:

- Гонконгдон келаткан жүк Бишкекке эмес, Стамбулга бараткан эле. “Манас” аэропортуна май куйганы жана экипажды алмаштырганы конууну максат кылган. Стамбулга деле түз учушубуз мүмкүн, бирок оор жүк менен сөзсүз май куйдуруп, ошол эле учурда экипажды алмаштырыш керек,- деди.

My cargо компаниясынын мурдагы аталышы AST airlines экени такталып, бул ишкана 18-январда берген маалыматында жүк Бишкекке келатканын айткан.

Жогорку Кеңештеги “Ата Мекен” фракциясынын лидери Өмүрбек Текебаев да компаниядан ушундай кат алганын билдирип, анын чоо-жайын иликтөө үчүн депутаттык комиссия түзүлгөн.

Өкмөт өкүлдөрү, “Манас” аэропортунун жетекчилиги жүк Кыргызстанга келатканы тууралуу маалыматты төгүндөшкөн.

16-январдагы учак апаатынан 38 адам көз жумду. Алардын төртөө экипаж мүчөлөрү, калгандар айыл жашоочулары. Мерт кеткендердин 17си балдар. Ондон ашуун адам жараат алып, ооруканага түшкөн. 19 үй таптакыр кыйраган. Дагы бир катар турак-жайларга зыян тийген. Үй-жайсыз калгандар Бишкектеги “Семетей” мейманканасында баш калкалап жатышат. (SE)

Пикирлерди көрүңүз (27)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG