Линктер

ЧУКУЛ КАБАР!
26-Октябрь, 2021 шейшемби, Бишкек убактысы 13:47

“Дизельфорум” кырсыктан жабыркагандарга 3 млн сом чогултту


Түшкөн каражаттан учак кырсыгынан жабыркаган беш үй-бүлөгө 50 миң, төрт үй-бүлөгө 20 миң сомдон жардам берилген.

“Дизельфорум” интернет жамааты 16-январдагы учак кырсыгынан жабыркагандарга жардам көрсөтүү боюнча бир канча түйүндөрдү ачкан. Форумдун мүчөсү, акциянын уюштуруучуларынын бири Надежда Хохлованын билдиргенине караганда, 22-январга карата 2,946 млн сом жана 2 560 доллар чогулду. Бул банк эсептеринен жана ЭлСом электрондук капчыктагы акчадан тышкары чогулган каражат.

Мунун ичинен 1 млн сомго чукул акча “Жардамдашуу оңой” кайрымдуулук фонду жана Биринчи балдар хосписи тарабынан чогулганын уюмдун жетекчиси Динара Аляева "Азаттыкка" кабарлады.

Түшкөн каражаттан учак кырсыгынан жабыркаган беш үй-бүлөгө 50 миң, төрт үй-бүлөгө 20 миң сомдон жардам берилген. Ошондой эле дары-дармек, кийим-кечелерге 8,5 миң сом коротулган.

Ыктыярчылар жардам берүү дагы деле уланып жатканын, келип түшүп жаткан тамак-аш, буюм-тайымдарды иреттештирүүгө адамдар керек экенин билдиришүүдө.

“Дизельфорум” Кыргызстандагы эркин рекламалык жана баарлашуучу интернет сайты катары белгилүү. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG