ОПЕКке мүчө мамлекеттердин жана Орусиянын мунай министрлери кара майды өндүрүүнү кыскартуу жана бааны көтөрүүгө багытталган аракеттер күтүлгөндөн алда канча ыкчам жана жакшы жүрүп жатканын билдиришти. Министрлер 21-январда Венада кечки тамак үстүндө бейрасмий жолугушуу өткөрүштү. "Блумберг" агенттиги орусиялык министр Александр Новактын “Биз жадыбалдан алдыда баратабыз жана ушул ыргакта уланта беребиз”, – деген сөздөрүн келтирген. Буга чейин Сауд Арабия, Алжир жана Кувейт 10-декабрда жетишилген келишимди аткаруу үчүн тиешелүү чара көрүшкөн эле. Кувейттин министри Халид ал-Фалихтин айтымында, күнүнө рынокко алып чыгылчу мунайдын 1,5 миллион баррели кыскартылды. Орусия мунай өндүрүүнү күнүнө 100 миң баррелге азайтты. Жалпысынан өлкө күнүнө 11.1 миллион беррель кара май өндүрөт.
