Алдын ала берилген маалыматтарга караганда, польшалык саякатчы Кыргызстанда эл аралык деңгээлдеги туристтик долбоорлорун ишке ашырууну максат кылууда. Бул сапарында саякатчы Кыргызстандын Тышкы иштер министрлиги жана Маданият, маалымат жана туризм министрлигинин өкүлдөрү менен жолугушмакчы.
Яцек Палкевич өзүнүн Кыргызстанга саякаты, эл аралык долбоору тууралуу кенен маалыматты бүгүн, 30-январда журналисттер менен бөлүшөрү күтүлүүдө.
Яцек Палкевич Амазонка суусунун башатын иликтеп чыккан жана Атлантика океанын жалгыз сүзүп өткөн белгилүү саякатчы.(ZKo)
