Exxon Mobil мунай компаниясынын мурунку башчысы Тиллерсондун ант берүү аземи президент Дональд Трамптын катышуусунда 1-февралда болду. “Сизди бүт өмүрүңүз ушул учурга даярдап келди. Тышкы иштерге ачык көз менен кароо мезгили келди” деп белгиледи Трамп.
Рекс Тиллерсондун талапкерлигин Сенатта 56 сенатор колдоп, 43 каршы болду. 52 республикачынын добушуна төрт демократ кошулган. Рекс Тиллерсон Exxon Mobil компаниясынын башчысы кезинде Орусия менен келишимдер түзүп, орус президентинин колунан орден алган. Бул демократ сенаторлордун суроолорун жараткан. (AiT)
