Жогорку Кеңештеги КСДП фракциясынын депутаты Искендер Кадыркулов "Түндүк электр" ишканасына жетекчи болуп дайындалганына байланыштуу анын ордуна Айнура Осмонова келери кабарланды. Бул тууралуу "Азаттыктын" өздүк булактары билдиришти. Бирок фракция катчылыгы азырынча комментарий берген жок.
Кадыркуловдун аталган ишканага башчы болгонун Улуттук энергохолдинг компаниясынын басма сөз кызматы бышыктады.
Кадыркуловдун ордуна келаткан айым маркум коомдук ишмер Бекмамат Осмоновдун карындашы. (SE)
