3-февралда Ош шаардык сотунан качып кеткен, мурда адам өлтүргөнү үчүн соттолгон, учурда каракчылык беренеси боюнча айыпталып жаткан Махамад Ибрагимов кармалды. Бул тууралуу Ош шаардык милициядан кабарлашты.
Маалыматка ылайык, шаардык сотто процесс болуп жатканда качып кеткен. Милиция издөө иштерин баштап, өткөн түнү Араван районунун аймагында кармалды.
Кылмышка шектүүнүн кандай жагдайда качып кеткени учурда иликтенүүдө. (BkA)
