Ооган расмийлеринин маалыматы боюнча, Кабулдагы Жогорку Соттун имаратынын алдындагы жардыруудан 12 киши набыт болду. Ооганстан ички иштер министрлигинин маалымат катчысынын орун басары Нажиб Даниш 7-февралдагы жардыруудан он киши жарадар болгонун маалымдады. Жөө келген жанкечти Жогорку Соттун кызматкерлерин бутага алган. Жардырууга азырынча эч кайсы тарап жоопкерчилик ала элек. (AiT)
