Куралдуу Күчтөрдү реформалоо менен бирге аскер жетекчилиги тартипти чыңдоого жана коррупцияны жоюуга өзгөчө көңүл буруусу зарыл. Мындай талапты президент Алмазбек Атамбаев бүгүн өлкө Куралдуу Күчтөрүнүн Башкы штабынын башчысы Раимберди Дүйшөнбиевдин алдына койду.
Мамлекет башчынын маалымат кызматынан кабарлашкандай, президент өлкөнүн аскер күчтөрүн мындан ары чыңдоо жана өнүктүрүү, алардын күжүрмөн даярдыгын жана ыкчамдуулугун жакшыртуу боюнча көрүлүп жаткан чаралар, ошондой эле чек ара коопсуздугун камсыз кылуу иштери тууралуу маалымат алды. (RK)
