Линктер

ишемби, 23-июнь, 2018 Бишкек убактысы 23:33

Евробиримдик Навальныйга карата сот чечимин сынга алды


Алексей Навальный сотто. 1-февраль, 2017-жыл.

Европа биримдиги орусиялык оппозициячыл саясатчы жана антикоррупциялык активист Алексей Навальныйга чыгарылган сот чечимин сынга алды.

Уюмдун тышкы иштер боюнча мекемеси өкүм өлкөдөгү саясий плюрализмди чектейт деп билдирди.

8-февралда Орусиянын Киров шаардык соту Навальный уурулук кылган деп таап, “Кировлес” иши боюнча беш жылга шарттуу түрдө эркинен ажыраткан. Өкүм 2013-жылы ушул эле иш боюнча башка сот чыгарган чечимге дээрлик окшош чыкты.

Навальный ал натыйжа четке кагылганын белгилеп, мунусу деле ишке ашпасына ишенүүдө.

- Кайталап коеюн, мындай чечимди Европа соту четке каккан. Бул соттун өкүмү да четке кагылат, - деди ал.

Активист өйдөңкү сот инстанцияларына кайрыларын, саясий ишмердүүлүгүн уланта берерин белгиледи. Ошондой эле ал 2018-жылдагы президенттик шайлоого катышуу ниетинен баш тартпасын билдирүүдө.

XS
SM
MD
LG