Жалал-Абад облусунун Көк-Жаңак шаарында кыргызстандык жана индиялык аскерлердин “Канжар-2017” деп аталган биргелешкен машыгуулары өтүүдө.
Башкы штабдан “Азаттык” радиосуна кабарлашкандай, индиялык 20, кыргызстандык 20 жоокер тоолуу аймактарда мыйзамсыз куралдуу топторду жок кылуу боюнча тажрыйба топтошууда. Андан тышкары чалгындоо, аскердик-медициналык, инженердик иштер боюнча окуулар өтөт.
20-февралда башталган машыгуулар 5-мартка чейин уланат.
Ушундай эле иш-чара былтыр Индияда болгон. (SE)